ئارقا سۇپىغا كىرىش || يازما يوللاش|| يازما باشقۇرۇش || ئىنكاس باشقۇرۇش|| سەھىپە باشقۇرۇش || ھۆججەت باشقۇرۇش || ئۇلانما باشقۇرۇش || بلوگ تەڭشەش|| ئۇسلۇپ ئالماشتۇرۇش|| زىيارەت ستاتىستىكىسى
  • 2009-06-17

    80 تۇرلۇك <<يامان بولىدۇ>>لار - [ئۆرۈپ -ئادەتلىرىمىز]

    版权声明:转载时请以超链接形式标明文章原始出处和作者信息及本声明
    http://www.blogbus.com/attirgul-logs/41141871.html

    ئاتا بوۋىلىرىمىز ئەۋلاتلارنى تەربىيەلەشتە ئەزەلدىن ئائىلە ۋە قەمىيەت ئەزالىرى  رايە قىلىشقا تېگىشلىك  قائىدە يوسۇنلارنى شەكىللەندۈرۈپ ۋە ئۇنىڭغا ئەمەل قىلىپ، كىشىلەرنىڭ ھەر خىل پائالىيەت  ھەم سورۇنلاردىكى ھەركەتلىرىنى قېلىپقا سېلىپ كەلگەن ؛ مۇشۇ ئاساستە ئائىلە ۋە پۈتۈن جەمىيەتتە ئومۇملاشقان  بىر يۈرۈش قائىدە - مىزانلارنى بارلىققا كەلتۈرگەن . ئۇلار بۇ قائىدە - يۇسۇنلارنى << يامان بولىدۇ >>دېگەن سۆزگە يىغىنچاقلاپ، مۇشۇ <<يامان بولىدۇ>>لارنىڭ ئىچىگە تالاي ھېكمەتلەرنى سىڭدۈرۋەتكەن .
      جەمىيەتنىڭ ئۇچقاندەك تەرەققى قىلىشىغا ئەگىشىپ ، ماددى ۋە مەنىۋى جەھەتتىن  نۇرغۇن يېڭىلىقلار كىشىلەرنىڭ ئېڭىغا  سىڭىپ كىردى  ۋە بىر قىسىملىرى كىشىلەرنىڭ ئەمەلى ھەركىتىگە ئايلاندى . لېكىن ، << ئۇششاق ئىشلار >> دەپ قارىلىدىغان ، مەكتەپلەتدە مەكتەپلەردە مەخسۇس سۆزلەنمەيدىغان ، ئەمەلىيەتتە ئەۋلادلارنىڭ تەربىيەسىدە ، ئادەم بولۇشىدا كەم بولسا بولمايدىغان نۇرغۇن ئەخلاقى قاراشلىرىمىز ۋە ئەنئەنىلىرىمىزدىن ئەۋلادلار  تازا تولۇق خەۋەردار بولالمىدى .خەۋەردار بولغانلىرىمۇ سەل قاراپ ، بۇ قائىدە- يوسۇن  ۋە ئەنئەنىلىرىمىزدىن يىراقلاشتى. بۈگۈنلى كۈندە  ئەجداتلىرىمىزدىن قالغان  بۇ ئېسىل مەدەنىيەتلىرىمىزنى توپلاپ، ئەۋلادلارنىڭ ئېسىگە سېلىپ ، ئۇلارنىڭ ياراملىق كىشىلەردىن  بولۇپ يېتىلىشىدە ئۆرنەك قىلىشقا ئەرزىيدۇ دەپ قارايمەن . ئەجداتلار شۇنداق دەيدۇ:
     1. <<سەھەر تۇرمىسىڭىز يامان بولىدۇ>>.
     2. <<ناشتىسىز تالاغا چىقماڭ ،يامان بولىدۇ>>.
     3.<<كېچىدە ئۆيدە يۇندا- ئەخلەتلەرنى ساقلىماڭ، يامان بولىدۇ>>.
     4. << ئۆيگە مېھمان كەلگەندە مۈشۈكنى <پەش> توخۇنى <تاخ> دېمەڭ، يامان بولىدۇ>>.
     5. << مېھمانغا دەز كەتكەن چاغدا <غىزا> چاي سۇنماڭ ، يامان بولىدۇ>>.
     6. << چاچنى قۇرۇق تارىماڭ، يامان بولىاۇ>>.
     7. << چوڭلارنىڭ ئالدىدىن توغرا ئۆتمەڭ ، يامان بولىدۇ>>.
     8. <<چوڭلار بىلەن تاكاللاشماڭ ، يامان بولىدۇ>>.
     9. << سەھەر تۇرۇپ ئۆي سۈپۈرمىسىڭىز ، يامان بولىدۇ>>.
     10. << چوڭلاردىن بۇرۇن داستىخانغا قول ئۇزاتماڭ ، يامان بولىدۇ>>.
     11. <<غەيۋەت قىلماڭ ، يامان بولىدۇ>>.
     12. << كىشىلەرنىڭ دىلىغا ئازار بەرمەڭ، يامان بولىدۇ>>.
     13. << كىشىنىڭ ھەققىنى يېمەڭ ،يامان بولىدۇ >>.
     14. << خوشنىڭىز بىلەن ئىناق ئۆتمىسىڭىز يامان بولىدۇ>>.
     15. << تېپىۋالغان نەرسىنى ئۆزىڭىزنىڭ قىلىۋالماڭ، يامان بولىدۇ >>.
     16. << يالغان سۆزلىمەڭ يامان بولىدۇ>>.
     17. << كىشىلەرگە باراۋەر مۇئامىلە قىلمىسىڭىز، يامان بولىدۇ>.
     18. << ئۇياتلىق يەرلىرىڭىز ئېچىلىپ قالىدىغان كىيىملەرنى كىيمەڭ ، يامان بولىدۇ >>.
     19. << تاماق ۋاختىدا ئائىلە ئەزالىرىنىڭ دىلىغا ئازار بەرمەڭ، يامان بولىدۇ>>.
     20. << باشقىلارنى قارىتىپ قويۇپ كۇسۇرلاشماڭ، يامان بولىدۇ >>.
     21. <<چوڭلاردىن تۆر تالاشماڭ، يامان بولىدۇ >>.
     22. <<  ئوت ئوينىماڭ، يامان بولىدۇ >>.
     23. << يولدا توغرا تۇرىۋالماڭ،يامان بولىدۇ >>.
     24. << تاماق يەۋېتىپ گەپ قىلماڭ، يامان بولىدۇ >>.
     25. <<ئادەم بار يەردە تۈكۈرمەڭ، يامان بولىدۇ >>.
     26. <<  تاماق يەۋېتىپ بۇرنىڭىزنى تارتماڭ ،يامان بولىدۇ >>.
     27. << باشقىلارنىڭ گېپىگە قوشۇق سالماڭ ، يامان بولىدۇ>>
     28. << جامائەت سورۇنىدا بۇرنىڭىزنى كوچىلىماڭ ،يامان بولىدۇ >>.
     29. <<ھاجەتخانىدىن چىقىپ قولىڭىزنى يۇمىسىڭىز، يامان بولىدۇ >>.
     30. << قولىڭىزنى يۇماي تاماق يېمەڭ، يامان بولىدۇ >>.
     31. << ئاتا- ئانىڭىزغا ئالىيىپ قارىماڭ، يامان بولىدۇ >>.
     32. << ئۈلۈم پەتىسىگە رەڭلىك كىيىم كىيىپ بارماڭ ،يامان بولىدۇ >>.
     33.<<ھازىدارلارنىڭ ئالدىدا كۈلمەڭ ،يامان بولىدۇ>>.
     34. << ئۇدۇل كەلگەن يەرگە ئەخلەت تاشلىماڭ، يامان بولىدۇ>>.
     35. << ئۆتنە ئالغان نەرسىنى ۋاختىدا قايتۇرمىسىڭىز. يامان بولىدۇ >>.
     36. <<باشقىلارغا تۆھمەت چاپلىماڭ ،يامان بولىدۇ >>.
     37. <<سۇخەنچىلىك قىلماڭ ، يامان بولىدۇ >>.
     38. << ئاغىنىڭىزنىڭ خوتۇنىغا قارا سانىماڭ، يامان بولىدۇ >> .
     39. << قېينانىڭىزنىڭ غەيۋىتىنى قىلماڭ ، يامان بولىدۇ >>.
     40. << ھەسەتخورلۇق قىلماڭ ، يامان بولىدۇ>>.
     41. << ئەر- خوتۇن جامائەت ئالدىدا سوقۇشسا ،يامان بولىدۇ >.
     42. << بايلىق ياكى ئەمىلىڭىزنى كۆز-كۆز قىلماڭ ،يامان بولىدۇ >>.
     43. << ھارام مال- دۇنياغا  ئىگە بولۇشنى ئويلىماڭ، يامان بولىدۇ>>.
     44. <<ئۈچ كۈندىن ئارتۇق ئاداۋەت ساقلىماڭ ، يامان بولىدۇ >>.
     45. << باشقىلارنىڭ سالىمىنى ئىلىك ئالمىسىڭىز ،يامان بولىدۇ >>.
     46. << ۋەدىڭىزگە ۋاپا قىلمىسىڭىز ، يامان بولىدۇ>>.
     47. << مەكتەپتە ئوقۇمىسىڭىز ، يامان بولىدۇ >>.
     48. << باشقىلارنىڭ ئەمگىگىنى ئۆزىڭىزنىڭ قىلىۋالماڭ، يامان بولىدۇ>>.
     49. <<  مېھماننى ئۇزاتقاندا ئىشىكنى قاتتىق ياپماڭ ،يامان بولىدۇ>>.
     50. << تاماقنى ئاۋاز چىقىرىپ شالاپشىتىپ يېمەڭ ، يامان بولىدۇ>>.
     51. <<  نان ئۇۋىقىغا دەسسىمەڭ ، يامان بولىدۇ >>.
     52. << يىمەك- ئىچمەكنى ئىسراپ قىلماڭ ، يامان بولىدۇ >>.
     53. <<گۈل- گىياھلارنى قالايمىقان ئۈزمەڭ ،يامان بولىدۇ >>.
     54. << چوڭلاردىن يول تالاشماڭ، يامان بولىدۇ >>.
     55. <<  باشقىلارنىڭ ئەمگىگىگە ھورمەت قىلمىسىڭىز، يامان بولىدۇ>>.
     56. <<ياخشىلىقنى ئۇنتۇپ قالماڭ ، يامان بولىدۇ .>>.
     57.<< بىر گەپنى تەكرار دەۋەرمەڭ ، يامان بولىدۇ>>.
     58. << ئاتا- ئانىڭىز ۋە يۇرتىڭىزدىن نومۇس قىلماڭ ، يامان بولىدۇ >>.
     59.<<  ياخشىلىق قىلىپ بولۇپ مىننەت قىلماڭ، يامان بولىدۇ>>.
     60. <<  بۈگۈنكى ئىشنى ئەتىگە قويماڭ ،يامان بولىدۇ >>.
     61.<< باشقىلارنىڭ ئەيىپىنى كوچىلىماڭ، يامان بولىدۇ >>.
     62.<<  چاقىرمىغان يەرگە بارماڭ، يامان بولىدۇ >>.
     63. <<چاقىرغان يەرگە بارمىسىڭىز ، يامان بولىدۇ >>.
     64.<< ئۇچرىمىغانغا سالام قىلماڭ، يامان بولىدۇ >>.
     65.<< سورىمىغانغا جاۋاپ بەرمەڭ، يامان بولىدۇ >> .
     66.<< ئۆزىڭىزنى باشقىلاردىن ئۈستۈن تۇتماڭ، يامان بولىدۇ >>.
     67.<< ئاتا-ئانىڭىزنىڭ نەسىھىتىنى ئۇنۇتماڭ. يامان بولىدۇ >> .
     68. << ئەل كۆزىچە گىرىم قىلماڭ ، يامان بولىدۇ >>.
     69.<< ئۆتكەن ئىشنى تەگىمەڭ ، يامان بولىدۇ >>.
     70. << باشقىلارنىڭ نەرسىسىنى بىسوراق تۇتماڭ، يامان بولىدۇ>>.
     71. << ھەممىلا يەردە قىزىقچىلىق قىلىۋەرمەڭ، يامان بولىدۇ >>.
     72. << ئېرىڭىزنىڭ يانچۇغىنى ئاختۇرماڭ ، يامان بولىدۇ >>.
     73. << خوتۇنىڭىزنىڭ سومكىسىنى ئاختۇرماڭ، يامان بولىدۇ>>.
     74. << ئۆزىڭىزنى ماختىماڭ،يامان بولىدۇ >>.
     75. << ئاجىزلارنى بوزەك قىلماڭ، يامان بولىدۇ>>.
     76. <<  چېقىمچىلىق قىلماڭ ، يامان بولىدۇ>>.
     77.<< باشقىلارغا ئورا كولىماڭ، يامان بولىدۇ >>.
     78. << باشقىلارنى تەڭقىسلىقتا قويماڭ، يامان بولىدۇ >>.
     79. << باشقىلارنى جامائەت ئالدىدا  خىجالەت قىلماڭ ،يامان  بولىدۇ >>.
     80. << گەپ توشۇماڭ ،يامان بولىدۇ >>
     مەنبە: ئۈرۈمچى كەچلىك گېزىتى . بېلىقىز سۇلايمان يازمىسى .

    分享到:

ئۇيغۇرچە بىلەن لاتىنچە يېزىقنى ئالماشتۇرماقچى بولسىڭىز Ctrl+k نى بېسىڭ. يېزىق يۆنۈلۈشىنى ئۆزگەرتمەكچى بولسىڭىز Ctrl+t نى بېسىڭ.